sadaenreda.blogaliza.org é o novo blog no que os usuarios e usuarias do Centro de Dinamizaición de Sada expresan as súas opinións, inquedanzas ou experiencias arredor das actividades que se desenvolven no propio centro ou das súas experiencias persoais.

O blog nace coma unha iniciativa para dar a coñecer aos usuarios e usuarias da Rede en Sada os blogs como nova ferramenta de comunicación, opinión e información en auxe na actualidade. Ademais de fomentar o uso das Novas Tecnoloxías tamén se fomenta a creatividade dos usuarios e usuarias. Asemade, poténciase a xeración de contidos e opinións en galego na Rede.

O blog pretende ser un punto de encontro no que sexan os propios usuarios/as os que xeren os contidos e que opinen sobre o que escriben os sus compañeiros/as. Así mesmo, os dinamizadores de Sada tamén escribirán periodicamente no blog breves artigos sobre os temas que se traten nos obradoiros e diferentes actividades que se leven a cabo no centro coa finalidade de que os usuarios e usuarias poidan ter acceso a esta información en calquera momento e, ao mesmo tempo, poder plantexar dúbidas dun xeito dinámico aos propios dinamizadores.

Na actualidade, o blog leva en funcionamento pouco máis dun mes e xa conta con dez artigos escritos, dos cales tres foron redactados por tres usuarias do Centro de Dinamización de Sada. Así mesmo hai preto de vinte comentarios de outros usuarios da Rede en Sada.

Nota: por vagancia a entrada é un copy/paste da que redactei hai uns días para a propia Rede de dinamización.

Formación en red: Materiales de formación

que pertence ao Ministerio de Educación e onde se poden obter de xeito gratuito materiais que creo poden ser moi interesantes para a dinamización. Só teñen un pequeno-gran inconvinte, as descargas son en formato de imaxe ISO, é dicir, é un formato para ser gravado en CD antes de ser usado. Aínda que existen outras alternativas sen ter que gravalo como é a opción de montalo coma unha unidade de CD, o cal o Ubuntu o permite simplemente premendo co botón dereito enriba do arquivo descargado “Abrir con” -> “Montador de archivos” e xa podemos ter acceso ao seu contido sen ter que gravalo. Sen embargo, penso que o máis convinte é gravalo para así poder disfrutar del.

Outro inconvinte que creo que teñen é que están orientados a plataformas Windows e que as versións dos programas coas que traballan son un pouco obsoletas aínda que todas son software libre, pero a pesar de todos estes inconvintes, creo que teñen moi boa pinta. Podemos atopar cursos coma:

• Iniciación á informática.
• Procesador de textos.
• Follas de cálculo.
• Debuxo vectorial con Draw.
• Deseño de presentacións con Impress.
• Iniciación a Linux.

Pero o mellor é que visitedes a web á que me refería e vexades vos mesmos todos os cursos dispoñibles.

De casualidade atopo en YouTube o vídeo de aquí arriba. Óscar, dinamizadora da sociedade da información na aula de Camariñas desenvolveu a iniciativa Outros fíos na rede , coa que pretneden vencellar as novas tecnoloxías ca artesaníe e un dos principais medios de vida durante moitas décadas na Costa da Morte, o encaixe. Un traballo, unha arte que marcaba as relacións sociais da poboación.

Para o cal crearon varios blogs que vos copio a continuación:

• clarapalilleira.blogspot.com
• chuchapicadora.blogspot.com
• loladematilde.blogspot.com
• carmensuper.blogspot.com
• lucreciakecha.blogspot.com
• pepedacabreira.blogspot.com
• mariademelania.blogspot.com

Sen dúbida, unha gran iniciativa.

O pasado domingo, 12 de outubro, emitiuse no programa A Revista fin de semana da TVG a reportaxe que podedes ver no vídeo de arriba (tamén se pode ver na web da TVG). Memoria de muller é un proxecto da Rede de Dinamización que pretende achegar ás mulleres ás novas tecnoloxías ao mesmo tempo que recuperan a memoria histórica, social, persoal ou cultural do seu concello. Cada unha destas mulleres é a protagonista do seu propio vídeo no que a través de unha historia escrita por elas mesmas, imaxes seleccionadas e escaneadas por elas mesmas, a posterior narración da historia feita por elas mesmas e finalmente, a edición dun vídeo con todo isto feito tamén por elas mesmas. Notaredes que remarquei especialmente o feito por elas mesmas, porque, no fondo, eso é o máis importante deste proxecto, elas mesmas.

O proxecto estase a realizar en multitude de Concellos galegos nos que ten presencia a Rede de Dinamización, e entre eles Chantada, que é o do vídeo que nos ocupa. Os vídeos finais aínda non están dispoñibles na rede, aínda que moitos deles xa están rematados. Non están na rede porque se está a crear unha web propia na que queden recollidos todos os vídeos que xa vos contarei no seu momento.

Persoalmente, eu tamén tiven a sorte de participar xunto con Ana na creación dun destes vídeos no concello de San Sadurniño, e foi unha das experiencias máis gratificantes e enriquecedoras que levei a cabo como dinamizador. O trato diario coas catro protagonistas foi algo excepcional. Día a día xurdiron anécdotas que acabaron en amizade e nun intercambio de correos e mensaxería instantánea xa que tiven que ir a dinamizar a outro concello. Porque a labor de dinamización non debe quedarse só nun traspaso de coñecementos alumno-profesor.

Unha das cousas máis complicadas -dende o meu punto de vista- como dinamizador/a da Sociedade da Información é conseguir que os usuarios/as unha vez rematado o obradoiro de iniciación ou calquera outro obradoiro continúen asistindo á aula e que continúen practicando. Moitos deles -bastante máis da metade, diría eu- unha vez rematado deixan de practicar, dan o obradoiro como rematado e polo tanto xa rematou “ese compromiso” que tiñan de asistencia diaria polo que deixan a un lado a informática. E como ben sabemos todos/as, o máis importante é practicar. Ben certo é que non se pode xeralizar con nada, e neste tema non ía ser menos…

Ben, pois tendo en conta isto e para tentar fidelizar eses usuarios e que sigan a vir á aula, creei unha serie de exercicios que sempre lle entrego aos usuarios unha vez rematados os típicos obradoiros de iniciación á informática, internet e correo electrónico. Por suposto que os exercicios son opcionais, pero ao final, unha boa parte dos usuarios/as acaban por facelos. Ademais, tamén os deixo aquí por se algún día preciso da súa descarga.

Os exercicios son os que seguen:

Iniciación á informática:

• Exercicios 1 e 2: Redactar un texto e darlle formato. [PDF] ou [ODT].
• Exercicios 3 e 4: Traballo con fiestras e cartafoles. [PDF] ou [ODT].
• Exercicios 5 e 6: Traballo con cartafoles: [PDF] ou [ODT].

Iniciación á internet:

• Exercicios 1 e 2: Comparar prezos no supermercado e buscar información en internet. [PDF] ou [ODT].
• Exercicios 3 e 4: Gardar imaxes de internet e escribir un texto con información obtida de internet. [PDF] ou [ODT].
• Exercicios 3 e 4: Gardar imaxes de internet e escribir un texto con información obtida de internet. [PDF] ou [ODT]. *Modificados para que sexan máis sinxelos.

Ligazóns de interese: [PDF] ou [ODT].

Mensaxería instantánea:

• Exercicio 1: Practica coa mensaxería instantánea. [PDF] ou [ODT].

Practica co editor de textos: [PDF] ou [ODT].

Practica co teclado: [PDF] ou [ODT].

A parte destes exercicios, no obradoiro de iniciación ao correo electrónico, tento intercambiar semanalmente correos cos participantes para que sigan a practicar. Por suposto, contesto todos os correos que eles me envían, non só para que practiquen, senón que ao final acabas tendo unha relación afectiva con eles/as. Tento enviarlles periódicamente os típicos correos graciosos que todos recibimos, iso si, tento facer unha selección para non enviar calquera cousa.

Penso que ao final, con estas sinxelas costumes, vanse achegando pouco a pouco ás novas tecnoloxías e acábanas introducindo na súa vida cotiá. E ti, que fas para fomentar o que os usuarios/as sigan a practicar?

PD: A licencia de uso dos documentos é a mesma que a do blog, polo que podes facer con eles o que queiras .