Unha das cousas máis complicadas -dende o meu punto de vista- como dinamizador/a da Sociedade da Información é conseguir que os usuarios/as unha vez rematado o obradoiro de iniciación ou calquera outro obradoiro continúen asistindo á aula e que continúen practicando. Moitos deles -bastante máis da metade, diría eu- unha vez rematado deixan de practicar, dan o obradoiro como rematado e polo tanto xa rematou “ese compromiso” que tiñan de asistencia diaria polo que deixan a un lado a informática. E como ben sabemos todos/as, o máis importante é practicar. Ben certo é que non se pode xeralizar con nada, e neste tema non ía ser menos…

Ben, pois tendo en conta isto e para tentar fidelizar eses usuarios e que sigan a vir á aula, creei unha serie de exercicios que sempre lle entrego aos usuarios unha vez rematados os típicos obradoiros de iniciación á informática, internet e correo electrónico. Por suposto que os exercicios son opcionais, pero ao final, unha boa parte dos usuarios/as acaban por facelos. Ademais, tamén os deixo aquí por se algún día preciso da súa descarga.

Os exercicios son os que seguen:

Iniciación á informática:

• Exercicios 1 e 2: Redactar un texto e darlle formato. [PDF] ou [ODT].
• Exercicios 3 e 4: Traballo con fiestras e cartafoles. [PDF] ou [ODT].
• Exercicios 5 e 6: Traballo con cartafoles: [PDF] ou [ODT].

Iniciación á internet:

• Exercicios 1 e 2: Comparar prezos no supermercado e buscar información en internet. [PDF] ou [ODT].
• Exercicios 3 e 4: Gardar imaxes de internet e escribir un texto con información obtida de internet. [PDF] ou [ODT].
• Exercicios 3 e 4: Gardar imaxes de internet e escribir un texto con información obtida de internet. [PDF] ou [ODT]. *Modificados para que sexan máis sinxelos.

Ligazóns de interese: [PDF] ou [ODT].

Mensaxería instantánea:

• Exercicio 1: Practica coa mensaxería instantánea. [PDF] ou [ODT].

Practica co editor de textos: [PDF] ou [ODT].

Practica co teclado: [PDF] ou [ODT].

A parte destes exercicios, no obradoiro de iniciación ao correo electrónico, tento intercambiar semanalmente correos cos participantes para que sigan a practicar. Por suposto, contesto todos os correos que eles me envían, non só para que practiquen, senón que ao final acabas tendo unha relación afectiva con eles/as. Tento enviarlles periódicamente os típicos correos graciosos que todos recibimos, iso si, tento facer unha selección para non enviar calquera cousa.

Penso que ao final, con estas sinxelas costumes, vanse achegando pouco a pouco ás novas tecnoloxías e acábanas introducindo na súa vida cotiá. E ti, que fas para fomentar o que os usuarios/as sigan a practicar?

PD: A licencia de uso dos documentos é a mesma que a do blog, polo que podes facer con eles o que queiras .

• testdevelocidad.es: É unha web na que podes comprobar cal é a velocidade da túa conexión a internet. Podes medir a velocidade máxima á que se descargan os datos hacia o teu ordenador e a velocidade máxima á que se envían desde o teu ordenador hacia internet. É moi útil para saber se a velocidade da que dispoñemos é a mesma ca que nos dice que temos o noso proveedor de acceso a internet, é dicir, a empresa que nos da o servicio (Teléfonica, R, ya.com,…). Para que entendades mellor os datos que vos ofrece direivos que 1Mbps, que é a velocidade mínima que se ofrece co ADSL é o mesmo que 1024 Kbps, que sería a velocidade mínima de baixada que deberíades ter todos os que teñades ADSL. E a velocidade de subida varía moito, pero polo xeral, todos os que teñades ADSL, a velovidade mínima non debería de ser menor de 200-300Kbps. E unha última cousa, cando comprobedes a velocidade que tedes, non podedes estar navegando por internet ao mesmo tempo, porque a medición non sería fiable, porque a navegación estaría consumindo parte da velocidade. Ala, xa podedes mirar se tedes a velocidade correcta ou non. Se a páxina anterior non vos funciona, aquí vos deixo algunha outra na que tamén podes mirar a velocidade que tedes:
  • Test velocidade en internautas.org
  • Tets velocidade en telefonica.es
  • speedtest.net

• meneame.net: É o que se chama un agregador de novas. Calquera usuario pode enviar unha nova que é “meneada” polos demais usuarios se é que lles gusta e así vaise creando unha portada coas novas de maior interese para a comunidade. Sería algo parecido a un periódico creado polos propios usuarios.

• chuza.org: É o mesmo que a anterior, pero para Galicia, é dicir, as novas que se envían están en galego ou fan referencia a Galicia e arredores.

• 060.es: Páxina do goberno na que podes encontrar información de todo tipo relacionada con calquera administración pública. Por exemplo, podes atopar información para saber o que tes que facer para casarte ou divorciarte, para pedir unha subvención, para pedir a axuda de aluguer de un pisiño, para facer unha denuncia, para saber onde ir ao médico, etc… e moitas outras cousas, o mellor é que lle botes un ollo.

• turgalicia.es: Páxina con información de turismo por Galicia. Está moi ben e ten todo tipo de información. Se vas a ir de vacacións por Galicia é recomendable botarlle un ollo antes de saír da casa. Podes atopar onde durmir, que ver, que facer, etc…

• peme.mancomun.org: Recopilación de ferramentas informáticas para a Peme, aínda que tamén están dispoñibles para os usuarios correntes coma nós E todas elas son gratuitas e ademáis software libre. Están realmente ben. Mancomún.org é unha iniciativa da Xunta de Galicia na que recollen unha morea de información a cerca do software libre.

• drae.rae.es: Diccionario da Real Academia Española. Moi útil neses casos que queremos comprobar como se escribe unha palabra ou ver a definición desa palabra que lin e non entendo nin papa.

• www.edu.xunta.es/diccionarios: O mesmo que o anterior pero para o idioma galego.

• sli.uvigo.es/traductor: Traductor de galego a español e viceversa. Escríbes ou pegas un texto en calquera dos dous idiomas e instantáneamente cho traduce ao idioma elexido. Funciona de marabilla.

• es.wikipedia.org: Unha das que a min máis me gustan, por ser unha das máis útiles. Seguro que xa todos a visitastedes algunha vez, aínda que fora de rebote vía google. É unha enciclopedia en liña gratuita e con información de case calquera cousa que te poidas imaxinar, ademáis, está dispoñible en prácticamente calquera idioma coñecido.

• gl.wikipedia.org: O mesmo que a anterior pero en galego. Enciclopedia en galego en liña e gratuita.

• www.cdlibre.org: Unha moi boa recopilación de programas gratuitos para ser descargados. Podes atopara case calquera cousa que precises e lista para ser descargada e usada no teu ordenador.

• www.ciudadpintura.com: Unha pinacoteca virtual gratuita. Unha gran recopilación de todo tipo de cuadros agrupados por museos ou por artistas, e todo totalmente gratuito.

E polo de agora pouco máis. Seguramente haxa outras moitas máis páxinas web interesantes que non van no listapo, pero para iso temos ao señor Google. Recorda que o sabe todo, só temos que preguntarllo.

Estes días, coa chegada do bo tempo e vacacións estivais, moita xente me pregunta por xogos ou recursos eductativos para rapaces e rapazas, polo que vou a poñer aquí algunha que outra ligazón que pode resultar de interese. E para que os rapaces e rapazas pasen un verán de medo diante do ordenador, aínda que é mellor que saían a disfrutar da paisaxe… pero se non queda outra, polo menos que o pasen ben, que aprendan e que non den moito a lata

• http://www.lavacaconnie.com/ Para xogar a través da Rede. Non hai que instalar nada no ordenador. Xogos e recursos educativos para rapaces pequeniños. Moi bo, a min é o que máis me gusta de todos, en ocasións ata xogo eu…
• http://www.coloring.com/ Para xogar a través da Rede. Tampouco fai falta instalar nada de nada. Este non é que sexa educativo, pero para pasar un ratiño está moi ben. É para colorear varios debuxos que están dispoñibles na páxina.
• http://www.chaval.es/decalogo.jsp Páxina do Ministerio con unha morea de recursos de todo tipo para rapaces e rapazas de todas as idades. Por suposto que todos os xogos son edutativos. Mellor visita a páxina para coñecer a fondo todo o que ofrece.
• http://www.algobar.com/recursos/ Moitos recursos educativos. Todos para xogar a través de internet sen ter que instalar nadiña.
• http://gcompris.net/-es- É un programa que hai que instalar no ordenador, pero unha vez instalado hai todo tipo de xogos educativos para rapaces de entre 2 e 10 anos, pero mellor, entra na súa web que alí está todo moito mellor explicado.
• http://www.tuxpaint.org/?lang=es Este tamén é para ser instalado no ordenador. É para debuxar. Ten unha morea de posibilidades de debuxo. Se ao neno ou nena lle gusta debuxar, estará ocupado/a polo menos durante unha horiña (non creo que exista algo que teña calmado a un/unha rapaz/a máis deste tempo).
• http://www.cnice.mec.es/profesores/descargas_infantil/ Páxina do Ministerio de Educación con unha morea de xogos, recursos e actividades para rapaces e rapazas. Ten unha pega, son todos para ser descargados e despois instalados no ordenador, e o que é peor… Creo que todos son para Windows .

Por suposto que todos son gratuitos, e incluso, algúns deles son software libre. Viva a liberdade!! Son para rapaces, pero se queres, ti que xa es un pouco máis grandiño/a tamén podes xogar un pedaciño…

E seguramente haxa outra boa morea de recursos na web que se escapan do meu coñecemento e que podes compartir con todos nós nos comentarios… Espero o teu comentario.