galiciadinamiza.net » rede dinamizacion

A Rede de Dinamización en Código Cero

vic — Mon, 23 Feb 2009 13:44:41 +0000

No último número en papel de Código Cero pódese ler unha ampla reportade da Rede de Dinamización no que se repasa o presente, pasado e futuro da Rede así coma os obxectivos acadados ou as actividades realizadas nos últimos dous anos. Tamén se pode ler unha ampla entrevista a Helena Veiguela, directora da Sociedade da Información. Podes obter unha copia en PDF da revista Código Cero en papel premendo na imaxe ou aquí. A Reportaxe comeza na páxina 15 e pódense ver imaxes de distintas actividades levadas a cabo en algúns dos Centros da Rede de Dinamización en toda Galicia.

Tamé subín unha copia por se os links anteriores non funcionan.

Dispoñibles os vídeos da Rede de dinamización

vic — Fri, 13 Feb 2009 09:38:36 +0000

Desde hoxe xa están dispoñibles moitos dos vídeos realizados na Rede de dinamización, entre eles algúns vídeos do Memoria de muller. Para ver os vídeos temos que ir á páxina www.galiciaxa.tv, e no menú da esquerda elexir Rede de dinamización. Xusto ao lado aparecerán os vídeos da rede, veredes que están divididos en varias páxinas que para navegar por elas e ter acceso a todos os vídeos só é necesario pinchar nos números que aparecen xusto ao pé do listado. Para ver o vídeo do Memoria de muller de San Sadurniño, que foi no que eu colaborei xunto con Ana, hai que ir á terceira páxina, neste momento é o último de todos.

Cantos bos recordos me trae volver a ver ese vídeo, que con esta, xa o debín ver máis de 10 veces. E a verdade é que foi un gran pracer compartir todas esas historias con esas fantásticas mulleres. Un biquiño para cada unha delas, por se o ledes.

Por certo, agora unha delas ata ten un blog, o seu enderezo é benchevale.blogspot.com, anímovos a que lle botedes unha ollada, que está realmente ben.

O bus da Rede de dinamización

vic — Mon, 09 Feb 2009 14:00:05 +0000

O bus informativo da Rede de dinamización que está a percorrer media Galicia está hoxe (09-febreiro-2009) en Lugo na praza nova de Ramón Ferreiro. Se estás por alí achégate, poderás navegar por internet nun sistema operativo totalmente libre e en galego, ademáis de coñecer de cerca a Rede de dinamización a través dos de diferentes vídeos das iniciativas desenvolvidas durante todo este tempo. Ademáis dos dous dinamizadores moi simpáticos que che explicarán dun xeito envidiable todas as posibilidades que ofrece a Rede de dinamización.

E se hoxe non podes ir, aínda terás oportunidade de velo os vindeiros tres días en Ribadeo, Carballedo ou Mondoñedo, consulta o intinerario completo do bus aquí.

En canalriasbaixas.com fixéronlles unha entrevista, para vela preme aquí.

Non o desaproveites, seica regalan un monte de cousas!!

Enrédate en Castrelo de Miño

vic — Tue, 06 Jan 2009 20:23:47 +0000

Enrédate é unha iniciativa desenvolvida pola nosa compañeira Palmira no concello de Castrelo de Miño. A través dunha colaboración na radio local, Palmira difunde as novas tecnoloxías, as actividades que desenvolve na súa aula ao mesmo tempo que nos instrúe maxistralmente no mundo de internet. De verdade que merece a pena que a escoitedes.

Podcast na web de Castrelo de Miño, sección Enrédate.

Para suscribirse ao RSS do Podcast nesta web (abaixo á dereita). Eu xa estou suscrito e á espera de novas emisións que espero volvan pronto.

Spot publicitario Rede de Dinamización

vic — Tue, 30 Dec 2008 19:50:45 +0000

[Spot Rede de Dinamización en YouTube]

Spot publicitario que gravou a Rede de Dinamización para promocionar a propia Rede e que estes días se está a emitir principalmente na TVG. A frase que di a “dinamizadora” gravouse na aula de Sada.